LajmeMaqedoni

91 vjeç e vetme, e manipuluar dhe në hall të madh! E dha shtëpinë e tokat në këmbim të kujdesit, por mbeti pa asgjë!

E vetme pa kushte për jetesë, pa fëmijë dhe familje është Nafije Saliu 91 vjeç e cila jeton në qytetin e Kërçovës, burri i saj ka ndërruar jetë vite më parë por asaj i ka lënë shtëpinë në qytet dhe tokat në Fshatin Tuhin. Të moshuarës pasi i vdes burri në vitin 2013 i ofrohet një familje me pretekstin se do të kujdeseshin për të deri në fund të jetës së saj por në qoftë se ajo në këmbim ua jepte shtëpinë dhe tokat që posedon. E gëzuar nga fakti se pjesën e mbetur të jetës nuk do ta kalonte e vetëm dhe pa kujdes pranoi ta jepte pasurinë e saj.

Por gjërat morën menjëherë tatëpjetën sepse kjo e moshuar mbeti as pa përkujdesje e as pa shtëpi, sepse siç thotë ajo pasi ajo e dhuroi pasurinë për një jetë më të mirë, sot ka mbetur as pa shtëpi as pa mall e as pa kujdes. Jeton e vetme dhe në mjerim, për të kujdesen disa nga komshinjtë.

“Shtëpia e imja është, por ai më tha do ta marr dhe ma mori, i thosha mos më thoshte çka të duhet ty. Më lan të rri vetëm njerëz nuk kam as djalë as vajzë as vëlla e as motër, 3 vëllezër më kanë vdekur, shihe si rri vetëm”, u shpreh Nafije Saliu.

Lokja 91 vjeçare ndjehet e manipuluar pasi që personi që i mori pasurinë nuk kujdeset për të siç i premtoi.

“Ai më gënjeu më tha unë do të kujdesëm për ty, unë do të kujdesem dhe unë u gënjeva, jam plakë, mendova se do jetoja mirë më gënjeu sa e nënshkrova, e mjera unë. Gjithë ditën rri aty shtrirë”, theksoi Nafije Saliu.

Ajo thotë se në dorë nuk ka asgjë dhe ndjehet e rrezikuar ta përzënë nga shtëpia dhe do mbetet rrugëve.

Related Articles

Leave a Reply

Your email address will not be published. Required fields are marked *

Back to top button