Sport

Benzema: Nëse një ditë Haalandi ka mundësi t’i bashkohet Realit, lë të vijë

Karim Benzema ka thënë se do ta mirëpriste Erling Haalandin në Real Madrid, megjithëse ardhja e mundshme e norvegjezit do t’ia rrezikonte atij vendin e titullarit në skuadrën e Zinedine Zidane.

Ka pasur thashethemeve kohëve të fundit për kalimin e mundshëm të sulmuesit të Borussia Dortmundit, Haaland, në kryeqytetin spanjoll, transmeton Gazeta Express.

Duke folur para ndeshjes së Real Madridit kundër Atalantës në Ligën e Kampionëve, Benzema tha se transferimi i Haalandit në Santiago Bernabeu nuk do të përbente problem për të.

“Nuk do të flas për lojtarët që nuk janë këtu. Çdo muaj flasim për njerëz që nuk janë këtu, por lojtarët të cilët shënojnë shumë gola”, tha Benzema

Sulmuesi francez shtoi: “Ai shënon shumë gola për ekipin e tij dhe nëse një ditë ka mundësi të vijë këtu, lë të vijë”. /Gazeta Express/

Related Articles

Leave a Reply

Your email address will not be published. Required fields are marked *

Back to top button