BotaLajme

Papa Françesku bën vizitën historike në Irak, pavarësisht rreziqeve

Papa Françesku do të fluturojë sot për në Irak, për vizitën e parë ndonjëherë papnore në këtë shtet, dhe udhëtimin e tij të parë ndërkombëtar që nga fillimi i pandemisë.

Udhëtimi katërditor ka për qëllim të sigurojë komunitetin e krishterë në rënie dhe të nxisë dialogun ndërfetar.

Papa do të takojë klerikun më të ndeuar mysliman Shia, të bëjë lutje në Mosul dhe të kremtojë meshën në një stadium.

Ai ka këmbëngulur për të udhëtuar, pavarësisht një rritjeje të re të infeksioneve me COVID-19 në Irak dhe shqetësimeve për sigurinë e tij.

Disa orë pas një sulmi me raketa në një bazë që priste trupat amerikanë të mërkurën, Papa tha se të krishterët irakianë nuk mund të “liheshin poshtë për herë të dytë”.

Papa Gjon Pali II anuloi planet për një udhëtim në fund të vitit 1999 pasi bisedimet me qeverinë e atëhershme të presidentit Saddam Hussein u prishën.

Në dy dekada që nga ajo kohë, një nga bashkësitë më të vjetra të krishtere në botë ka parë numrin e saj të bie nga 1.4 milion në rreth 250 mijë.

Shumë kanë ikur jashtë vendit për t’i shpëtuar dhunës së motivuar fetarisht që ka pllakosur vendin nga pushtimi i udhëhequr nga SHBA-të në vitin 2003 që rrëzoi Saddamin, shkruan BBC, transmeton Klan Kosova.

Dhjetëra e mijëra u zhvendosën gjithashtu kur militantët e të ashtuquajturit Shteti Islamik – ISIS pushtuan Irakun verior më 2014, duke shkatërruar kishat e tyre historike, konfiskuar pronën e tyre dhe duke u dhënë zgjedhjen për të paguar një taksë për t’u kthyer, larguar ose për t’u përballur me vdekjen.

Related Articles

Leave a Reply

Your email address will not be published. Required fields are marked *

Back to top button