Sport

Pirlo lë jashtë derbit tre futbollistë: Nuk mendoj për të ardhmen time

Paulo Dybala, Arthur dhe McKennie morën pjesë në një festë private të organizuar në vilën e mesfushorit amerikan, e cila u ndal vetëm pas mbërritjes atje të forcave të policisë.

Ky gjest i futbollistëve ka shqetësuar jo pak drejtuesit e klubit bardhezi, ndërsa trajneri Andrea Pirlo ka vepruar me dorë të ashpër ndaj tyre, duke mos i grumbulluar për ndeshjen e nesërme ndaj Torinos në derbi. “Vendimin për lënien jashtë të tyre e mora unë dhe sigurisht që pata edhe mbështetjen e klubit. Këto gjëra ndodhin, por ky nuk ishte momenti i duhur, pasi bota po kalon momente të vështira dhe ne duhet të jemi një shembull i sjelljes në kushtet e pandemisë”, deklaroi trajneri bardhezi.

Përveç tre futbollistëve të pezulluar nga Pirlo, Juventus nuk do të ketë në derbi as Buffon, të pezulluar nga Gjykata Sportive dhe Bonuccin e Demiral, të prekur nga koronavirusi, ndërsa dyshime ka edhe për polakun Szczesny. “Presim me qetësi tamponin e Szczesnyt, por për çdo rast kemi Pinsoglion, pasi pezullimi i Buffon ishte diçka e papritur për ne. Do të jetë në dispozicion edhe Chiellini, të cilin Mancini na e dërgoi më herët, ndërsa edhe brazilianët Danilo e Alex Sandro janë në formë të mirë. Megjithatë derbi është derbi dhe na duhet të japim maksimumin për t’u rikthyer te suksesi”, deklaroi Pirlo.

Eliminimi nga Liga e kampionëve dhe dalja nga gara për titullin kampion ka tronditur jo pak pozitat e trajnerit në pankinën e Juventusit, megjithatë Pirlo pranon se e ardhmja nuk e shqetëson dhe se mendon vetëm për ndeshjen e radhës. “Nuk më shqetëson aspak e ardhmja, pasi mendoj vetëm për ndeshjen me Torinon. Jemi në një fazë vendimtare të sezonit dhe duhet të jemi të përqendruar të bëjmë maksimumin, pasi llogaritë bëhen në fund”, tha Pirlo.

Related Articles

Leave a Reply

Your email address will not be published. Required fields are marked *

Back to top button