BotaLajme

Qeveria i merr makinën “Mercedes Maybach”, Milo Gjukanoviç mbetet në ‘këmbë’

Qeveria e Malit të Zi ka miratuar një propozim për të filluar procedurën e shitjes së dy automjeteve luksoze “Mercedes Maybach”, të cilat janë në pronësi të shtetit.

“Fondet nga shitja e këtyre automjeteve do të derdhen në buxhetin e Malit të Zi dhe ato do të përdoren për të ndihmuar qytetarët e rrezikuar dhe për të përmirësuar drejtësinë shoqërore në vend,” tha Kryeministri malazes Zdravko Krivokapic në llogarinë e tij në Twitter.

Ai tha në një mesazh me video se Ministria e Financave dhe Mirëqenies Sociale është e ngarkuar për punësimin e një vlerësuesi i cili do të vlerësojë vlerën e automjetit, si dhe për të formuar një komision për shitjen e automjeteve deri në seancën tjetër të rregullt të Qeverisë .

Kryeministri shpjegoi se pas kësaj, do të publikohet një ftesë publike ndërkombëtare për pjesëmarrje në tenderin publik, njoftoi “Vijesti” i Podgoricës.

“Ftesa publike do të zgjasë për tetë ditë dhe pas kësaj do të organizohet një ankand publik në të cilin ofertuesi më i mirë do të zgjidhet publikisht dhe në mënyrë transparente,” tha Krivokapic.

Një nga “maybach” përdoret nga Presidenti i Malit të Zi Milo Gjukanovi? dhe tjetri u përdor nga deputeti aktual i DPS Dusko Markoviç ndërsa ishte kryeministër.

Related Articles

Leave a Reply

Your email address will not be published. Required fields are marked *

Back to top button