Slider

Vikendi me orë policore prej 17:00 deri 05:00 në Maqedoninë e Veriut?!

Në Maqedoninë e Veriut po planifikohet aplikimi i orës policore prej orës 17:00 pasdite deri në ora 05:00 e mëngjesit të nesërm dhe kjo masë pritet të hyjë në fuqi nga dita e premte deri të hënën e javës së ardhshme, bëjnë të ditur burime qeveritare për portalin Faktor.

Pra ora policore do të zgjatet çdo ditë nga ora 17:00 deri 05:00 dhe jo si deri më tani që është nga ora 22:00 – 05:00. Sipas portalit, po mendohet edhe mbyllje e plotë nga dita e premte deri të hënën në mëngjes, nga shqetësimet e rritjes së infektimeve me COVID-19, përcjell INA.

Nga Ministria e shëndetësisë kanë vërtetuar se është e mundur që të aplikohen masa më të ashpra dhe restrictive për mbrojtje, por se deri tani nuk ka ndonjë vendim zyrtar. Se a do të ketë një masë të tillë do të varet nga numri i të hospitalizuarve gjatë ditëve të ardhshme e deri ditën e premte.

Anëtarë të Komisionit për Sëmundje Infektive kanë thënë për Faktor se nuk ka paralajmërime për mbledhje të re. Vendimi për kufizime pritet të sillet edhe për shkak të numrit të lartë të grumbullimeve familjare, por edhe për shkak të kafeterive dhe restoranteve të stërngarkuara.

Mikrobiologu, Nikola Panovski ka theksuar se zgjidhja më e mirë do të ishte mbyllja e objekteve hotelierike dhe shërbyese. Javën e kaluar në vend ka pasur numër më të madh të të infektuarëve dhe se tani numri aktiv i të prekurve është mbi 11 mijë. Në shumë vende të rajonit dhe ato të BE-së ka nisur përforcimi dhe kufizimi, duke mbyllur lokalet, por duke lënë të hapur vetëm marketet, barnatoret dhe pompat e benzinës.

Related Articles

Leave a Reply

Your email address will not be published. Required fields are marked *

Back to top button