Dimri nuk i ndal refugjatët

Në Austri vijnë në më pak refugjatë. Për herë të parë që nga fillimi i muajit tani mbërrijnë më pak se 3.000 njerëz në ditë. Gjithashtu në Slloveni, Kroaci dhe Serbi është zvogëluar numri i të ardhurve të rinj.

Rënia ndikon edhe në Gjermani, ku shumica e refugjatëve vijnë nga Austria.. Në Gjermani, më shumë se 900,000 refugjatë janë regjistruar këtë vit. Kjo u konfirmua në burime qeveritare premten, njofton agjencia e lajmeve AFP, përcjell albinfo.ch.

Megjithatë, rënia e numrit të refugjatëve nëpërmjet rrugës ballkanike duket të jetë mashtruese.

Ngase nuk do të thotë se janë më pak refugjatët në rrugën e tyre drejt Evropës Qendrore. Situata e refugjatëve raportohet të jetë përkeqësuar në Greqi.

Pavarësisht dimrit të ashpër çdo ditë bëhen mijëra kalime të rrezikshme nga brigjet e Turqisë në ishujt grekë.

Nga fundosja e anijeve të refugjatëve janë mbytur gjashtë fëmijë sipas një raporti nga agjensia turke e lajmeve.

Në kufirin greko-maqedonas gjithashtu janë bllokuar emigrantët ë cilët nuk vijnë nga zonat e luftës të tilla si Siria dhe Afganistani.

Organizata Ndërkombëtare për Migrim njoftoi të mërkurën se ishin më shumë se 5.000 refugjatë nga Turqia që po vijnë në Greqi.

scroll to top