Filipçe: Hapja e kufijve mund të bëhet kah mesi i qershorit

venko.png

Hapja e kufijve sipas Ministrit të Shëndetësisë Venko Filipçe me shumë gjasa mund të bëhet kah mesi i muajit qershor. Ai vlerëson se mund të shkohet kudo qoftë por duke i respektuar masat mbrojtëse, duke mbajtur maskë dhe distancë fizike. I ftuar në TV24 ai theksoi se të gjitha vendet tashmë i kanë zbatuar këto masa.

“Bëmë një proces bashkëpunimi me Greqinë. Shkëmbyem përvoja se si zhvillohej pandemia, shkëmbyem eksperienca edhe për gjendjen me numrin e pacientëve. Në Serbi ka rritje të numrit të pacientëve ditëve të fundit. Në Bosnje dhe Hercegovinë po ashtu. Tani ne patjetër duhet të veprojmë bashkërisht, duke u koordinuar, sepse ka disa çështje shumë të rëndësishme. E para, a do të kërkohen teste atëherë kur plotësisht do të hapen kufijtë? Më pas, si do të kalohen kufijtë, si do të jetë trajtimi nëse dikush sëmuret? Me Ministrin e Shëndetësisë në Greqi folëm që të lehtësohet kalimi i kufijve dhe të mos ketë pritje të gjata. Kjo sepse ato makina dhe dalja e udhëtarëve jashtë veturave në muajt e verës është një farë rreziku” tha Filipçe.

Ministri i Shëndetësisë informoi edhe se skriningu në kopshtet për fëmijë do të përfundojë javën e ardhshme, duke paralajmëruar se kopshtet do të fillojnë me punë kah fillimi i qershorit.

“Këtë javë do të duhej të përfundojë skriningu dhe tashmë pas javës së ardhshme kopshtet do të fillojnë me punë, domethënë përafërsisht në fillim të qershorit”, tha Filipçe.

scroll to top