Ish-mësuesja që përdhunoi 12-vjeçarin dhe u martua me të, vdes në moshën 58 vjeç (FOTO)

01.jpg

Mary Kay Letourneau, ish-mësuesja e shkollës së mesme në Seattle, e cila u dënua për përdhunimin e një studenti, është ndarë nga jeta në moshën 58-vjeçare për shkak të kancerit.

58-vjeçarja ndërroi jetë në shtëpi të hënën pas një beteje disa mujore me kancerin e zorrës së trashë.

Letourneau u bë kryefjalë e mediave në vitin 1997, ku u zbulua marrëdhënia seksuale me një nga studentët e saj 12-vjeçar, Vili Fualaau.

Letourneau, një nënë e katër fëmijëve në atë kohë, së pari u takua me Fualaau kur ai u fut në klasën e dytë në vitin 1992, por ata filluan marrëdhënien e tyre seksuale katër vite më vonë , kur ai ishte 12 vjeç.

Në vitin 1996, pasi mbaroi viti shkollor, dyshja u regjistruan në klasa verore në të njëjtin kolegj të komunitetit dhe filluan të kalojnë më shumë kohë së bashku.

Një ditë pas mësimit, dyshja dolën për darkë. Në një intervistë të dhënë në vitin 2018, Fualaau kujtoi se pasi përfunduan darkën ai i kërkoi të puthte Letourneau brenda makinës së saj, e cila pranoi.

Letourneau atëherë bëri seks me Fualaau për herë të parë, kur burri i saj, Steve Letourneau, ishte jashtë qytetit.

Rreth orës 1:20 e mëngjesit, më 19 qershor 1996, policia i gjeti të dy në makinën e parkuar në Des Moines Marina. Mësuesja kaloi direkt në sediljen e parë ndërsa Fualaau bëri sikur ishte duke fjetur.

Ata u dërguan në komisariat, por nuk u mor asnjë veprim ndaj tyre.

Sidoqoftë, marrëdhënia e tyre u zbulua në shkurt të 1997, kur Steve Letourneau gjeti letrat e dashurisë që dyshja i kishin shkruar njëri-tjetrit. Ai u përball me Fualaau, duke i kërkuar që t’i jepte fund marrëdhënies përndryshe ai do t’i informonte prindërit e tij.

Një nga të afërmit e Steve kishte paralajmëruar autoritetet e shkollës për marrëdhëniet e tyre dhe Letourneau u arrestua me akuza ligjore për përdhunim.

Steve i kërkoi divorcin dhe mori kujdestarinë e plotë të katër fëmijëve të tyre dhe e transferoi familjen në Alaska.

Letourneau fillimisht u dënua me tre muaj burg si pjesë e një marrëveshje për pranimin e fajit në nëntor 1997, në të cilën ajo ra dakord të mos ketë më asnjë kontakt me Fualaau. Ajo ishte shtatzënë me fëmijën e ish-studentit të saj në kohën e dënimit të saj. Megjithatë, menjëherë pas lirimit të saj nga burgu, ajo u gjet edhe një herë duke bërë seks në një makinë me Fualaau më 3 shkurt.

Ajo u dënua me burg për 7 vite nën akuzat e dhunimit të fëmijëve të shkallës së dytë. Mësuesja lindi fëmijën e dytë të Fualaau ndërsa ishte në burg. Fualaau ende nuk kishte mbushur 15 vjeç.

Pas lirimit nga burgu, Fualaau, i cili ishte atëherë i rritur, bëri kërkesë në gjykatë që të hiqeshe urdhri që e ndante të kishte kontakt me të.

Letourneau dhe Fualaau tronditën edhe një herë botën kur ata vendosën të martoheshin në 2005. Ata qëndruan të martuar për 12 vjet, derisa Fualaau bëri kërkesë për divorc në vitin 2017. Edhe pse ishin në proces ndarje ata vazhduan të jetonin bashkë me dy vajzat e tyre Georgina dhe Audrey.

Pavarësisht përpjekje për t’u pajtuar, çifti përfundoi lidhjen e tyre në shkurt të vitit të kaluar dhe filluan të jetojnë të ndarë.

Sipas të afërmëve të tyre, edhe pas ndarjes ata nuk e urrenin njëri-tjetrin dhe kishin ngelur miq.

scroll to top