LajmeShqipëri

Kërkon dorëheqjen e kryetarit të PD-së, Kadilli zbulon bisedën e fundit me Bashën

Përfaqësuesi i Partisë Demokratike, Fatbardh Kadilli, ka folur me tone të ashpra sot teksa ishte i ftuar në emisionin “Breaking” në Top News.

Pas humbjes në zgjedhjet e 25 prillit, Kadilli ka kërkuar dorëheqjen e kryetarit të PD-së, Lulzim Basha, dhe ka hedhur kandidaturën e tij për kryetar partie.

I pyetur nga moderatorja, Sidorela Gjoni, nëse ka komunikuar me Bashën pas zgjedhjeve të 25 prillit, Kadilli tha jo. Ai shtoi se biseda e fundit me Bashën ka ditën përpara mbledhjes së kryesisë, ku i ka thënë: “Fito dhe je i larë me të gjithë ne, po humbe do të më kesh përballë”.

Pjesë nga fjala e tij në “Breaking”:

Edhe unë kam dyshime në punën e SPAK, si opozitë kemi qenë dyshuese në ndikimin e Ramës në SPAK dhe te reforma në drejtësi. Një hetim i SPAK është një hetim penal, administrimi i zgjedhjeve dominohet nga KQZ . Ky proces është mbyllur, mos të hedhim hije dyshime se mund të ketë zgjedhje.

Të themi se kanë faj të gjithë, por kryetari jo. Ta gjejmë fajin poshtë, është një mentalitet i vjetër. A i përket një kulture demokratike, një partie demokratike një person që mendon kështu. Po të kishte fituar do të thoshin fitoi Basha, tani që humbi nuk është faji i tij. Mentalitet i gabuar që kryetari nuk gabon kurrë.

Kam refuzuar daljen në media, duke i shërbyer partisë dhe kryetarit. Tani ky kryetar të marrë të gjitha përgjegjësitë, të ikë, fsheh arrogancën e tij pas një buzëqeshje.

Gujatë fushatë elektorale kam lëvizur nga Malësia e Madhe deri në Sarandë, në të mirë të PD-së. E kam bërë ashtu si unë mendoja se është mirë. Kam përgjegjësi dhe meritë në sukses. Nuk ka asnjë detyrë që PD më ka dhënë dhe unë nuk kam shkëlqyer.

Related Articles

Leave a Reply

Your email address will not be published. Required fields are marked *

Back to top button