Kjo do t’i nervozojë serbët, Kroacia e gatshme ta ndihmojë ushtrinë e Kosovës

Ministri i Mbrojtjes së Republikës së Kroacisë, Damir Krstiçeviq, ka pritur sot për një vizitë zyrtare ministrin e Sigurisë së Forcës së Sigurisë së Kosovës, Rrustem Berishën, me të cilin kanë diskutuar për formimin e Ushtrisë së Republikës së Kosovës, raporton Gazeta Express.

Ministri kroat ka thënë se në këtë çështje do ta ndihmojnë Republikën e Kosovës, ashtu siç kanë ndihmuar Maqedoninë dhe Malin e Zi.

“Të gjithë e shohin ushtrinë kroate si një shembull te profesionalizmit. Ne jemi të gatshëm që njohuritë tona ti ndajmë me miqtë dhe partnerët tonë nga Kosova, në rrugën drejt integrimeve Euro-Atlantike, njëjtë siç kemi ndihmuar Malin e ZI dhe Maqedoninë”, ka thënë ministri kroat raporton AA, transmeton Gazeta Express.

Ndërsa ministri Berisha e ka informuar atë me procesin e transformimi të FSK-së në Ushtri të Republikës së Kosovës dhe tri projekt-ligjet e miratuara në Kuvendin e Republikës së Kosovës.

“Mandati i ri i Forcës së Sigurisë së Kosovës do të jetë forca multietnike, profesionale që do t’i shërbejë interesave të të gjithë qytetarëve, shtetit tonë dhe të gjithë rajonit”, ka deklaruar ministri Berisha.

Formimin e Ushtrisë së Republikës së Kosovës e kanë përkrahur fuqishëm Shtetet e Bashkuara të Amerikës.

Javë më parë, kryeministri i Republikës së Kosovës, Ramush Haradinaj, pas kthimit nga SHBA-ja, kishte thënë se për formimin e Ushtrisë e kishte marrë ‘aminin’ e Amerikës./GazetaExpress/

scroll to top