Mediat greke: Maqedonia dhe Bullgaria sot e nënshkruajnë marrëveshjen për miqësi

133745292.jpg

Maqedonia dhe Bullgaria sot në Shkup nënshkruajnë marrëveshje për miqësi me qëllim që të ndërtojnë marrëdhënie më të afërta dhe ta përforcojnë bashkëpunimin bilateral, paralajmërojnë mediat greke.

Kryeministri i Maqedonisë, Zoran Zaev dhe kolegu i tij bullgar, Bojko Borisov do të takohen sot në Shkup që ta nënshkruajnë “marrëveshjen historike”,  njofton “Katimerini” duke shtuar se të dy ministrat do të vendosin lule në përmendoren e Goce Dellçevit “të cilin të dy vendet e vlerësojnë hero të tyre kombëtar”.

“Në një deklaratë javën e kaluar, kryeministri i Maqedonisë insistoi në atë se marrëveshja për miqësi nuk do të ndikojë në asnjë mënyrë  ndaj interesave të Maqedonisë, ndërsa në fjalimin në Parlamentin në Sofje, gjithashtu javën e kaluar, kryeministri bullgar theksoi se marrëveshja do ta bëjë Maqedoninë aleat stabil me të cilin Bullgaria ndan vlera të përbashkëta të BE-së dhe NATO-s”, shkruan gazeta.

scroll to top