BotaLajme

SHBA, shpërthejnë protesta pasi polici vret një person me ngjyrë

Një polic të dielën ka qëlluar për vdekje një shofer në Minneapolis në shtetin e Minesotës të SHBA-së, duke çuar në përplasje midis protestuesve dhe policisë, raportuan mediat lokale, transmeton Anadolu Agency (AA).

Policia tha se kur tentuan të arrestonin një shofer që e ndaluan, ai u kthye te automjeti i tij dhe u largua, raportoi CBS Minnesota. Një nga policët më pas ka qëlluar në drejtim të automjetit, duke goditur për vdekje shoferin.

Pas incidentit, dhjetra protestues filluan të mblidhen në vendin e të shtënave, duke rrethuar selinë e policisë së Qendrës Brooklyn. Forcat e policisë përdorën edhe gaz lotsjellës për të shpërndarë turmën.

Shoferi i vrarë u identifikua si Daunte Wright, 20-vjeçar, nga një grua, Katie Wright, e cila i tha CBS se ajo ishte nëna e viktimës.

Incidenti ndodhi derisa ish-polici i bardhë Derek Chauvin përballet me akuzë për vrasje të shkallës së tretë të njeriut me ngjyrë George Floyd, gjatë arrestimit fatal në maj të vitit 2020.

Related Articles

Leave a Reply

Your email address will not be published. Required fields are marked *

Back to top button