Slider

Vulin: Kurti do të bëjë gjithçka për t’i dhënë fund bisedimeve

Ministri i Punëve të Brendshme të Serbisë, Aleksandar Vulin deklaroi se kryeministri i Kosovës, Albin Kurti do të bëjë gjithçka për tí ndaluar bisedimet mes Kosovës dhe Serbisë dhe për këtë do ta fajësojë Serbinë.

Këto deklarata, Vulin i tha mbrëmë në një intervistë për TV Pink.

“Kur filluan negociatat në Bruksel në vitin 2012, ata bënë gjithçka për t’i vendosur serbët në tryezën e bisedimeve, sepse ata menduan se njohja ishte një punë e bërë. Tani, në vitin 2021, ata janë duke ikur nga tryeza e bisedimeve, sepse panë që negociatat nuk çojnë në njohje siç kishin shpresuar”, tha ai.

Ministri serb vlerëson se Kurti nuk ka qëllime të mira, por qëllimi i tij i vetëm është që të mos ketë serbë në Kosovë.

“Ai do të bëjë gjithçka që mundet për t’i dhënë fund bisedimeve. Ai gjithashtu do të flasë për gjenocidin e serbëve”, tha Vulin.  /

Related Articles

Leave a Reply

Your email address will not be published. Required fields are marked *

Back to top button