Zbulohet paga e Xherdan Shaqirit në Liverpool

Liverpooli ka finalizuar nënshkrimin me anësorin kosovar Xherdan Shaqiri nga Stoke City.
“Redsat” kanë siguruar shërbimet e 26-vjeçarit, i cili ka vendosur lapsin në një kontratë pesë vjeçare, pasi paguan shumën prej 13 milionë funta të vendosur në klauzolën e tij te Stoke City, transmeton portali arbresh.info.
Detajet e kontratës së Shaqirit nuk janë konfirmuar ende zyrtarisht, por sipas ekspertit të transferimeve, Ian McGarry, gjilanasi do të fitoj 120 mijë funta në javë nga klubi në Anfield.
“Paga e Shaqirit [në Stoke City] nuk është aq e madhe, por unë besoj se ai do të paguhet rreth 100 – 120 mijë funta në javë në Anfield”, kishte thënë McGary për ‘Transfer Windows Podcast’.
Shaqiri do të bartë fanellën me numër 23 te skuadra nën udhëheqjen e Jurgen Klopp./arbresh.info/

scroll to top